Олжас Бектенов кәсіпкерлермен көлік-логистика саласын дамыту мәселелерін талқылады

2 657

Фото: пресс-службы АкордыПремьер-министр Олжас Бектенов салалық министрліктер мен мемлекеттік ұйымдар басшылығының қатысуымен ҚР Көлік және логистикалық инфрақұрылымын дамыту мәселелері жөніндегі отандық кәсіпкерлер кеңесінің отырысын өткізді, - деп хабарлайды "Opennews.kz" ақпарат агенттігі.

Автомобиль, теміржол, су және авиация көлігі салаларындағы ағымдағы жағдай мен күрделі мәселелерге қатысты сындарлы диалог өтті. Бизнес өкілдері жеке инвестицияларды енгізуге және саладағы жаңа инфрақұрылымдық жобаларды іске асыру барысындағы әкімшілік кедергілер туралы мәлімдеді.

«Конкурент-Б» ЖШС бас директоры Бақытбек Қадыров теміржол саласына жеке инвестицияларды тартуға қатысты ұсыныстар айтты. Атап айтқанда, инфрақұрылымы жоқ, бірақ экономикалық өсу үшін әлеуеті бар өңірлерде жаңа жолдар салу жөнінде бастама көтерді. Бұл инфрақұрылымдағы кедергілерді жеңілдетуге, елішілік аумақтық байланыстың дамуын қамтамасыз етуге мүмкіндік береді.

Премьер-министр теміржол құрылысына жеке инвестицияларға қатысты бастаманы қолдап, Көлік министрлігіне биылғы 1 наурызға дейін инвестицияларды қайтару тетігі бойынша нақты ұсыныстар енгізуді тапсырды.

Кездесу қорытындысы бойынша Олжас Бектенов көлік инфрақұрылымын дамыту мемлекет пен бизнестің белсенді өзара іс-қимылын қажет ететінін баса айтты. Мемлекеттік бюджет саланың барлық қажеттілігін өтей алмайды, сондықтан жеке инвестициялар тартуға басымдық беріледі. 

Үкіметтің «Атамекен» ҰКП-мен ел экономикасын тиімді дамыту мақсатында бизнес пен мемлекеттік органдардың өзара іс-қимылын нығайту жөніндегі бірлескен жұмысы жалғасуда.