Мемлекет басшысының Жарлығымен бірқатар дипломатиялық тағайындаулар болды
Мемлекет басшысының Жарлығымен Қазақстан Республикасының бірқатар шет мемлекеттердегі дипломатиялық өкілдіктеріне жаңа тағайындаулар жүзеге асырылды, - деп хабарлайды "Opennews.kz" ақпарат агенттігі.
Алтай Ибрагимұлы Әбибуллаев Қазақстан Республикасының Словения Республикасындағы Төтенше және Өкілетті Елшісі лауазымына тағайындалды.
Сонымен қатар, Қазақстан Республикасының Хорватия Республикасындағы Төтенше және Өкілетті Елшісі Дәулет Қасекенұлы Батырашев Қазақстан Республикасының Босния және Герцеговинадағы, Черногориядағы Төтенше және Өкілетті Елшісі қызметін қоса атқарушы болып тағайындалды.
Қазақстан Республикасының Алжир Халық Демократиялық Республикасындағы Төтенше және Өкілетті Елшісі Әнуарбек Серікұлы Ахметовке Қазақстан Республикасының Тунис Республикасындағы Төтенше және Өкілетті Елшісі қызметін қоса атқару жүктелді.
Аталған тағайындаулар Қазақстан Республикасының сыртқы саяси бағыты аясында халықаралық ынтымақтастықты одан әрі дамыту және нығайту мақсатында жүзеге асырылды.
