Еліміздің өңірлерінде онкология орталықтары күрделі жөндеуден өтпек

Еліміздің 5 өңіріндегі онкология орталықтарына күрделі жөндеу жоспарланды, деп хабарлайды Opennews.kz ақпарат агенттігі.



Жоспар жайлы Денсаулық сақтау министрі Ажар Ғиният Үкімет отырысында осындай мәлімет айтты.

5 өңірде (Алматы қ., Атырау, Алматы, Ұлытау, Жетісу облыстары) жаңа онкология орталықтарын салу және Ақтөбе, Қостанай облыстары мен Шымкент қаласында радиологиялық корпус пен операциялық-реанимациялық корпустарды реконструкциялау жоспарда бар, - деді Ажар Ғиният.

Сондай-ақ, ол бүкіл өңірлерде онкология орталықтарын күрделі жөндеу қажеттігін мәлім етті.

Соңғы 3 жылда жаңа онкология орталықтары пайдалануға берілген Маңғыстау, Павлодар және Жамбыл облыстарын қоспағанда, барлық өңірлерде онкология орталықтарына күрделі жөндеу жүргізу көзделген, - деді министр.