Ата-анасы қан құюға қарсы болған сәби көз жұмды
Көкшетауда ата-анасы діни наным бойынша қан құюға қарсы болған 1 жас 8 айлық ұл бала ауруханада қайтыс болды, - деп хабарлайды "Opennews.kz" ақпарат агенттігі.
Ақмола көпсалалы облыстық балалар ауруханасының дәрігерлері жариялаған мәліметке сәйкес, 1 жас 8 айлық сәби қыркүйектің 24-де санавиацияның көмегімен «Авиценна-Бурабай» ЖШС-нің анестезиология және реанимация бөлімшесіне түскен.
Балаға бірден «екіжақты пневмония, ауыр дәрежедегі асқынуы (сепсис, СПОН, Кома 2. Бастың ісінуі мүмкін. Ou DZN ісінуі)» диагнозы қойылды.
Дәрігерлердің айтуынша, баланың ата-анасы медициналық көмекке өте кеш жүгінген. Бала түскен күні UMC «Ана мен бала ұлттық ғылыми орталығы» бас штаттан тыс балалар реаниматологымен консультация өткізілді, онда балаға өмірлік көрсеткіштері бойынша қан мен оның компоненттерін құю ұсынылды.
«Халық денсаулығы және денсаулық сақтау жүйесі туралы» Қазақстан Республикасының 2020 жылғы 7 шілдедегі № 360-VI кодексінің 136-бабының 4-тармағына сәйкес кәмелетке толмаған не әрекетке қабілетсіз адамның заңды өкілдері аталған адамдардың өмірін сақтап қалу үшін қажетті медициналық көмектен бас тартқан кезде медициналық ұйым қорғаншылық және қамқоршылық органына және (немесе) сотқа жүгінуге құқылы.
Осыған байланысты, аурухана заң талаптарына сәйкес облыстың және Бурабай ауданының қорғаншылық және қамқоршылық органдарына жедел тәртіппен қан құю туралы мәселені шешу үшін жүгінді, - деп түсіндірді ведомствода", - деді аурухана дәрігерлері.
Қамқоршылық органдары жас баланың ата-анасымен қайт әңгімелескеніне қарамастан, олар қажетті процедураларды жүргізуге сендіре алмады. Ата-анасы баланың өмірі үшін жауапкершілік туралы жазбаша қолхат берді.
Денсаулық сақтау басқармасынан атап өткендей, кәмелетке толмаған науқастарға медициналық көмек көрсету мәселесі өзекті болып табылады. Өйткені, ҚР заңнамасы емдеуге және жедел араласуға міндетті келісімді көздейді. Діни наным бойынша медициналық көмек көрсетуден бас тартылған жағдайда медицина қызметкерлерінің жұмысына кедергілер жасалады.
Ақмола облысы ПД мәліметінше, осы дерек бойынша сотқа дейінгі тергеу шаралары басталды. Тергеу мүддесі үшін өзге де ақпарат жариялауға жатпайды.
