ШҚО-да жыл соңына дейін 13 медициналық пункт ашылады
Шығыс Қазақстан облысында жыл соңына дейін 13 медицина бекеті ашылады, деп хабарлайды "Opennews.kz" ақпарат агенттігі.
Жақында Феклистов елді мекенінде заманауи медицина мекемесінің құрылысы аяқталды. Феклистов елді мекенінде 200-дей адам тұрады. Ауырып сырқаған ауыл жұрты осы ескі нысанда ем-дом алуға мәжбүр. Санитар маман жердің таза болуына ғана емес, жылы болуына да жауапты. Енді мұндағылдар отын тасып, пеш жағудан құтылды. Ауылда бірнеше кабинеті бар замауни медициналық пункт салынды. Бұл сәтті көптен күткен тұрғындар жаңа мекемені өздері тексеріп, қабылдап алды. Зейнеткер Тамара Пешкова ерекше күтімді қажет ететін бала тәрбиелеп отыр. Сондықтан денсаулық сақтау саласының жаңаруына дән риза.
Ауылдық жерлерді ыңғайлы медициналық мекемемен қамту әлі де жалғасады. Жыл соңына дейін Зайсан, Шемонайха сияқты шалғай аудандарда 13 нысанның құрылысы аяқталады деген жоспар бар.
