Елімізде балалалар арасында қызылша дерті көбеюде

9 қазан 2023, 10:06

2 164

Қазақстанда жеті жүзге жуық оқушы қызылша дертін жұқтырған, - деп хабарлайды "Opennews.kz" ақпарат агенттігі.

Денсаулық сақтау министрлігіндегілер жағдай қатаң бақылауда екенін айтты. Ауырған балалар оқшауланған.

Қызылша дертіне қарсы екпе егуге болмайтын балалар да есепке алынып, санитарлық-эпидемиологиялық қызметтер тиісті шаралар қолданып жатыр. Күннің салқындауына байланысты тұмау жұқтырғандар да көбейіп келеді. Мысалы, жіті респираторлық вирустық инфекцияға шалдыққандар саны өткен жылғы қыркүйекпен салыстырғанда 14% көп.

"Жіті респираторлық вирустық инфекцияның және тұмаудың маусымы басталды. Ол жыл сайын 1 қазаннан басталады. Қазіргі кезде тұмауға қарсы вакцинация жүріп жатыр. Кешегі күнге 300 мыңнан астам адам егілді", – деді ҚР Денсаулық сақтау вице-министрі, ҚР бас мемлекеттік санитариялық дәрігері Айжан Есмағамбетова.