Балаларға МӘМС есебінен брекет қойылады ма?

Әлеуметтік медициналық сақтандыру қоры балаларға МӘМС арқылы брекеттер мен импланттар тегін орнатылатыны туралы ақпаратты жоққа шығарды,-деп хабарлайды Opennews.kz ақпарат агенттігі.

Қордың мәліметінше, қазіргі уақытта мұндай пилоттық жоба іске қосылған жоқ. МӘМС жүйесінде балалар тек жедел және жоспарлы стоматологиялық қызметтер, соның ішінде туа біткен жақ-бет патологиясы немесе тіс-жақ аномалиялары бар балаларға арналған ортодонтиялық көмек ала алады.

Қалған балалар үшін брекеттер мен импланттар МӘМС есебінен тегін берілмейді.