2 жасар сәбидің асқазанынан 105 түйір магниттік моншақтар шықты
Алматыда хирургтер шұғыл ота жасап, 2 жасар баланың асқазанынан магнит моншақтарын алып шықты, - деп хабарлайды "Opennews.kz" ақпарат агенттігі.
Денсаулық сақтау басқармасының мәліметінше, 20 ақпан күні Балалар шұғыл медициналық көмек көрсету орталығына 2 жас 3 айлық бала бөгде зат жұтуы мүмкін деген күдікпен жеткізілген.
Рентгенография жасаған кезде баланың асқазанында өлшемі 6,2×2,2 см болатын көптеген металл заттан құралған конгломерат анықталған.
Операциядан кейін бала жансақтау бөліміне жатқызылып, кейін палатаға ауыстырылды. Қазір жағдайы қанағаттанарлық.