Кейбір қазақстандықтар үшін МӘМС жарнасы өседі
Депутат Асхат Аймағамбетов 12 наурызда Мәжілісте міндетті әлеуметтік медициналық сақтандыру жүйесіне жарналар төлеу үшін табыстың жоғарғы шегін ұлғайту ұсынылғанын мәлімдеді, - деп хабарлайды "Opennews.kz" ақпарат агенттігі.
Асхат Аймағамбетов міндетті әлеуметтік медициналық сақтандыру мәселелері бойынша кейбір заңнамалық актілерге өзгерістер мен толықтырулар енгізу туралы заң жобасы бойынша қорытындыны дайындау жұмыстары жүргізіліп жатқанын айтты. Ол заң жобасының мемлекет басшысының Жолдауын іске асыру мақсатында әзірленгенін атап өтті.
Комитет заң жобасын жұмысқа қабылдауға және оған қорытынды әзірлеуге дайын екенін жеткізді.