Қазақстандық жасөспірімдерге "Спутник М" вакцинасы салынбақ

ҚР Денсаулық сақтау министрлігі жасөспірімдерге коронавирусқа қарсы Ресейлік "Спутник М" вакцинасын салуды мақұлдады, - деп хабарлайды Opennews.kz ақпарат агенттігі.

Алдағы уақытта ресейлік "Спутник М" вакцинасы 12-17 жас аралығындағы жасөспірімдерге салынады.
 
"Қазақстан "Спутник М" вакцинасын мақұлдаған алғашқы шетелдік мемлекет болды", – деді Ресей тура инвестициялар қорының баспасөз қызметіндегілер. 

Ресей тура инвестициялар қорында өзге елдердегі жасөспірімдерге салынған вакциналардың дозасы ересектердің вакцинасымен бірдей екенін мәлімдеді.

Ресей денсаулық сақтау министрлігі жасөспірімдердің "Гам-Ковид-Вак-М" вакцинасын ("Спутник М") 2021 жылдың 24 қарашасында тіркеген. 

"Спутник М" вакцинасы "Спутник V" негізінде жасалған және 30 жыл көлемінде сыналған аденовирус векторының платформасында жасалған. Басты айырмашылығы құрамындағы аденовирус векторының 5 есеге азайтылуында. 

Ресейдің денсаулық сақтау министрлігі жаңа вакцинаға клиникалық зерттеулер жүргізіп, екпенің қауіпсіз екенін анықтаған.