Президенттің жарлығымен елімізде жаңа бес министрлік құрылды
63
Мемлекет басшысының жолдауынан кейін Қазақстанда жаңа бес министрлік құрылды, - деп хабарлайды "Opennews.kz" ақпарат агенттігі.
Ақорда мәліметінше бүгін мемлекет басшысы Қасым-Жомарт Тоқаев "Қазақстан Республикасының мемлекеттік басқару жүйесін одан әрі жетілдіру жөніндегі шаралар туралы" жарлығына қол қойған.
Құжатқа сәйкес елде келесі министрліктер құрылды:
- Қазақстан Республикасының Су ресурстары және ирригация министрлігі;
- Қазақстан Республикасының Көлік министрлігі;
- Қазақстан Республикасының Туризм және спорт министрлігі;
- Қазақстан Республикасының Мәдениет және ақпарат министрлігі;
- Қазақстан Республикасының Өнеркәсіп және құрылыс министрлігі.
