Президент іссапармен Алматыға келеді
2 540
Президенттің баспасөз хатшысы Берік Уәли Instagram парақшасында мемлекет басшысы 24-25 қаңтар күндері Алматыға іссапармен баратынын жазды, - деп хабарлайды "Opennews.kz" ақпарат агенттігі.
“Мемлекет басшысы Қасым-Жомарт Тоқаев алдын ала жоспарланған жұмыс кестесіне сәйкес 24-25 қаңтар күндері Алматыға барады”, – деді Берік Уәли.
Баспасөз хатшысының хабарлауынша, президент мегаполистегі бірқатар нысанды аралайды.
“Соның ішінде Қаңтар оқиғасынан кейін күрделі жөндеуден өткен әкімдік ғимаратына барып, қаладағы жағдайға байланысты жиын өткізеді”, – деді баспасөз хатшысы.
