Қасым-Жомарт Тоқаев Халықаралық сот әкімшілігі қауымдастығының президенті Памела Харристі қабылдады
Мемлекет басшысы Қасым-Жомарт Тоқаев Халықаралық сот әкімшілігі қауымдастығының (IАСА) президенті Памела Харристі қабылдады, - деп хабарлайды "Opennews.kz" ақпарат агенттігі.
Қасым-Жомарт Тоқаев құқықтық мемлекет құруда заң үстемдігін қамтамасыз ету мен сот жүйесін реформалаудың шешуші мәнге ие екенін атап өтті.
Памела Харристің айтуынша, Сот әкімшілігі мен Жоғарғы соттың функцияларын бөлу әлемдік тәжірибедегі анағұрлым тиімді шешімдердің бірі.
Кездесуде сот органдары арасындағы өзара ықпалдастықты кеңейтуге, сот өндірісінде цифрлық шешімдерді және жасанды интеллектіні қолдану перспективасына баса назар аударылды.