Мемлекет басшысы Қасым-Жомарт Тоқаев бірқатар елшілерден сенім грамоталарын қабылдады
2 506
24 қарашада Ақордада алты елдің төтенше және өкілетті елшілерінің Қазақстан Президентіне сенім грамоталарын табыстау рәсімі өтті,-деп хабарлайды Opennews.kz ақпарат агенттігі.
Сенім грамоталарын Израиль, Қырғызстан, Куба, Ливан, Зимбабве және Сомали елдерінің елшілері тапсырды.
Президент Қасым-Жомарт Тоқаев Қазақстанның барлық мемлекетпен достық қарым-қатынас орнатқан бейбіт ел екенін атап өтіп, елдің ішкі саясатындағы бастамаларға тоқталды. Ол аталған жұмыстардың Әділетті Қазақстан құруға және "Заң және тәртіп" қағидаттарына негізделгенін айтты.
Сонымен қатар, Мемлекет басшысы дипломатиялық миссияларын ресми түрде бастаған елшілерге сәттілік тілеп, Қазақстан тарапынан жан-жақты қолдау көрсетілетінін жеткізді.
