Қазақстан мен Швейцария ынтымақтастықты кеңейтуге ниетті

Қазақстан Сыртқы істер министрі Ермек Көшербаев Швейцарияның Берн қаласына ресми сапармен барып, швейцариялық әріптесі Иньяцио Кассимен келіссөздер жүргізді. Кездесуде екі ел арасындағы саяси, экономикалық және гуманитарлық байланыстарды одан әрі дамыту мәселелері талқыланды,-деп хабарлайды Opennews.kz ақпарат агенттігі.

Министр Ермек Көшербаев Швейцарияның Қазақстан үшін Еуропадағы маңызды серіктес екенін атап өтті. Оның айтуынша, екіжақты қарым-қатынас соңғы жылдары тұрақты түрде кеңейіп келеді. Соңғы 20 жыл ішінде Швейцария Қазақстан экономикасына 35,8 млрд АҚШ доллары көлемінде инвестиция құйған. Ал 2025 жылдың алғашқы он айында екі ел арасындағы тауар айналымы 1,2 млрд АҚШ долларын құрады.

Өз кезегінде Иньяцио Кассис Швейцарияның Қазақстанмен жан-жақты ынтымақтастықты одан әрі тереңдетуге мүдделі екенін жеткізді. 

Сапар барысында тараптар "Blue Peace Central Asia" бағдарламасы бойынша өзара түсіністік меморандумына және бірлескен жобаларды іске асыруға бағытталған тағы бір құжатқа қол қойды.