«Өрмекші адам: Жаңа күн» фильмі алғашқы аптада 1,37 млрд теңге жинады

Қазақстан кинопрокатында кезекті рекорд орнады,- деп хабарлайды Opennews.kz ақпараттық агенттігі.

Көптен күткен «Өрмекші адам: Жаңа күн» (Spider-Man: Brand New Day) фильмі көрсетілімнің алғашқы аптасында (6-9 тамыз аралығында) рекордтық касса жинап, көш бастаған. Ascar Cinema ұсынған кассалық жиынтықтар шолуына сәйкес, туынды алғашқы уикендте 1 373 950 115 теңге табыс тапқан.
«Өрмекші адам: Жаңа күн» картинасы осы көрсеткішпен жақында жарық көрген басты бәсекелестерін басып озған.
Екінші орында тұрған Кристофер Ноланның «Одиссея» фильмі көрсетілімнің үшінші аптасында 275,3 млн теңге жинаған. Ал оның алдындағы екі аптада 1 млрд-тан асырған.