Қазақстан Таиландқа ет экспорттамақ

1 октября 2024, 11:11

2 178

Русский перевод этой статьи пока не опубликован. Ниже — оригинал на казахском языке.

Қазақстан Таиландқа ет экспорттамақ, – деп хабарлайды "Opennews.kz"ақпарат агенттігі.

Қазақстан Таиландпен ауыл шаруашылығы саласында ынтымақтастықты күшейтеді. Ауыл шаруашылығы вице-министрі Ермек Кенжеханұлы Таиланд Корольдігінің ауыл шаруашылығы министрі Наруомон Пиньесинватпен кездесті.

Тараптар ауыл шаруашылығы, азық-түлік қауіпсіздігі, стратегиялық әріптестік пен инвестициялық ынтымақтастықты дамыту саласындағы екіжақты қатынастарды нығайту перспективаларын талқылады.

Қазақстан мен Таиланд сауда көлемін ұлғайту және жеткізілетін өнімдер тізімін кеңейту бойынша бірлескен жұмысты жандандырмақ.

"Қазақстан үшін басым бағыттардың бірі – мал шаруашылығы өнімдерінің экспорттық мүмкіндіктерді кеңейту. KazBeef Processing және Merke et combinaty сияқты өндірушілерді қоса алғанда, Таиландқа ет және ет өнімдерін экспорттауға сертификат беру және рұқсат алу үшін кәсіпорындардың тізімі тай тарапына жіберілді", – деп жазылған Ауыл шаруашылығы министрлігінің хабарламасында.

Балық шаруашылығы. Кездесу барысында балық шаруашылығы саласындағы өзара іс-қимыл да ерекше қызығушылық тудырған.

Ұн экспорты. Қазақстан бидай мен ұнды ірі өндірушілердің ондығына кіреді, жылына 7 миллион тоннаға дейін бидай экспорттайды және тай нарығы жеткізілімдерді ұлғайту үшін ерекше қызығушылық тудырады.

Сондай-ақ екі елдің ғалымдарына күріш өсіру және құс шаруашылығы бағыттары бойынша бірлесіп жұмыс істеу үшін байланыс орнату ұсынылды.