Елімізде бидай, ұн өнімдерінің экспортына шектеу қойылды

Русский перевод этой статьи пока не опубликован. Ниже — оригинал на казахском языке.

Қазақстан бидай мен ұн өнімдерінің экспортына шектеу енгізді, - деп хабарлайды  Opennews.kz  ақпарат агенттігі.

Ауыл шаруашылығы министрінің 16 сәуірдегі №110 "Қазақстан Республикасының аумағынан жекелеген тауарларды әкетудің кейбір мәселелері туралы" бұйрығына сәйкес 15 маусымға дейін бидай мен ұн экспорты бекітілген квота көлемі шеңберінде жүзеге асырылады:

• бидай мен меслинге – 1 млн тонна; 
• бидай немесе қара бидай ұнына – 300 мың тонна. 

Бұл ретте жоғарыда көрсетілген бұйрықпен бекітілген сандық шектеулерді (квоталарды) бөлу қағидаларының 5-тармағына сәйкес, бидай әкетуге арналған квотаны бөлуге, әкетуге мәлімделген көлемнен 10%-ын белгіленген баға бойынша "Азық-түлік келісімшарт корпорациясы" ҰК" АҚ-ға өткізген өтініш берушілер жіберіледі (бидайдың тіркелген бағасы мен сапалық көрсеткіштері, жұмсақ бидай жеткізілетін астық қабылдау кәсіпорындарының тізімі мен мекенжайлары жоғарыда көрсетілген бұйрық қолданысқа енгізілгеннен кейін министрліктің ресми интернет-ресурсында жарияланады). 

"Бұйрық қолданысқа енгізілген күнге дейін кеден заңнамасына сәйкес экспорттың кедендік рәсімі бойынша орналастырылған және шығарылған тауарлар Қазақстан Республикасының аумағынан кедергісіз әкетуге жататыны туралы хабарлаймыз", - делінген министрлік мәлімдемесінде.