Ұстаздардың кәсіби мереке күні бекітілді

Русский перевод этой статьи пока не опубликован. Ниже — оригинал на казахском языке.

Бұдан былай педагогтардың кәсіби мерекесі – Мұғалімдер күні енді 5 қазанда атап өтіледі, деп хабарлайды Opennews.kz ақпарат агенттігі. 


 ҚР Үкіметі тиісті қаулыны қабылдады.  

Мемлекеттік мерекелер тізіміне сәйкес, республикада Мұғалімдер күні осы уақытқа дейін қазан айының бірінші жексенбісінде мерекеленіп келді. Енді бұл мереке 5 қазанда әлемнің 100-ден астам елі атап өтетін Дүниежүзілік мұғалімдер күнімен сәйкестендірілді.

Мұғалімдер күні – білім беру саласындағы қызметкерлердің барлығына ортақ кәсіби мереке. Бұл күні ұстаздар қауымының қоғам дамуындағы рөлі мен еңбегі, оған қосатын зор үлесі аталып өтіледі, - делінген Үкімет басшысының баспасөз қызметі таратқан хабарламада.

Оқу-ағарту министрлігінің мәліметінше, бүгінде Қазақстанда мектепке дейінгі, орта, техникалық және кәсіптік білім беру ұйымдарында 556 мың педагог еңбек етеді.