4 мыңнан астам талапкер бос қалған білім гранттарына ие болды

Ғылым және жоғары білім министрлігі жазғы қабылдау науқанының қорытындысы бойынша конкурстық тағайындаудан кейін қалған бос гранттарды тағайындау жұмыстарын аяқтады, - деп хабарлайды "Opennews.kz" ақпарат агенттігі ведомствоның баспасөз қызметіне сілтеме жасап. 

Республикалық конкурс комиссиясының отырысы өтті. Гранттардың басым көпшілігі педагогикалық және инженерлік ғылымдар, сонымен қатар "Ақпараттық-коммуникациялық технологиялар", "Жаратылыстану ғылымдары, математика және статистика" салаларына бөлінді.

Комиссия шешімімен 4 мыңнан астам талапкер мемлекеттік білім грантының иегері атанады.

Грант иегерлерінің тізімдері 2023 жылдың 28 қыркүйегінде Ғылым және жоғары білім министрлігінің ресми сайтында және  телеграм каналында жарияланады.

Грант сертификаттарын Ғылым және жоғары білім министрлігі Ұлттық тестілеу орталығының сайтынан жүктеп алуға болады.