Қаз
Рус
Еліміздің ауруханалары мен емханаларына 7 606 орта медицина маманы тапшы
Русский перевод этой статьи пока не опубликован. Ниже — оригинал на казахском языке.
Еліміздегі ауруханалар мен емханаларда 7 606 орта медицина персоналы тапшы, - деп хабарлайды "Opennews.kz" ақпарат агенттігі.
Бұл туралы «Ашық» НҚА порталында жарияланған 2030 жылға дейін ана мен бала денсаулығын сақтау қызметін дамыту тұжырымдамасында жазылды.
«2007-2017 жылдар аралығындағы кезеңде педиатриялық факультеттерге талапкерлерді қабылдау жүзеге асырылған жоқ. Бұл мамандардың тапшылығы әкелді. Әсіресе, стационар деңгейіндегі мамандарға және арнайы бейінді мамандардың тапшылығына (балалар реаниматологтары-анестезиологтары, кардиологтар, пульмонологтар, гастроэнтерологтар) қатты әсер етті.
Мамандықтар бөлінісінде анестезиолог-реаниматологтар (ересектер, балалар) – 787, акушер-гинекологтар (ересектер, балалар) – 291, педиатрлар – 304, неонатологтар – 104, балалар инфекционистері – 65, балалар невропатологтары - 51 және тағы да басқа мамандықтар арасында кадр тапшылығы байқалады», - делінген тұжырымдамада.
Денсаулық сақтау министрлігінің мәліметінше, маман тапшылығы салдарынан кейбір қызметкерлер қосалқы жұмыс атқарып жүр. Сонымен қатар, ел бойынша 7 606 орта медициналық персонал жетіспейді. Оның 6 468 маман қалаларға қажет болса, 1 138-і ауылдарда тапшы.
