Қазақстандықтарға Ресей азаматтығын алу жеңілдетілді

РФ Президенті Владимир Путин «Беларусь, Қазақстан және Молдава азаматтарын Ресей азаматтығына қабылдау туралы» жарлыққа қол қойды, - деп хабарлайды "Opennews.kz" ақпарат агенттігі.

Бұл құжат ресейлік паспортты алу процедурасын жеңілдетпек. 18 желтоқсанда рәсімделген құжат ресми жарияланған құқықтық актілер порталында орналастырылды. Оған сәйкес 18 жасқа толған Қазақстан азаматтары келесі талаптарды сақтамай-ақ Ресей азаматтығын ала алады:

• Ресей Федерациясында тұрақты тұру;
• Ресей тарихын және Ресей Федерациясының заңнамасының негіздерін білу.
  

Дегенмен, қазақстандықтар орыс тілін жетік білетіндігін дәлелдеуі тиіс. Қазақстан азаматтары ресейлік паспортты алу үшін тұрақты тұруға өтініш, ұлттық паспорты мен орыс тілін білетіндігін растайтын құжат ұсынуы қажет. Дәл осыдай талап Молдава азаматтарына да қойылады. Ал Беларусь азаматтарына орыс тілін білетіндігін растаудың қажеті жоқ.