Қаз
Рус
Тоқаев Ресей президентімен телефон арқылы сөйлесті
2 541
Русский перевод этой статьи пока не опубликован. Ниже — оригинал на казахском языке.
Қазақстан президенті Қасым-Жомарт Тоқаев Ресей Федерациясының басшысы Владимир Путинмен телефон арқылы сөйлесті, - деп хабарлайды "Opennews.kz" ақпарат агенттігі.
Қазақстан мен Ресей арасындағы су тасқынына байланысты күрделі ахуал талқыланды.
“Екі елдің бейінді мекемелері мен қызметтерінің өзара тығыз қарым-қатынасы, бірлесіп мониторинг жүргізу және жағдайды болжау, жедел әрекетті жүзеге асыру атап өтілді. Мемлекет басшылары осы жұмысты іске қосу туралы тапсырма беруге келісті”, – делінген Ресей президенті баспасөз қызметі таратқан хабарламада.
Сондай-ақ халықаралық және өңірлік мәселелердің кейбір аспектілері, оның ішінде Ресейдің Тәуелсіз Мемлекеттер Достастығына, ал Қазақстанның Ұжымдық қауіпсіздік туралы шарт ұйымына төрағалық ету тақырыбы да қозғалды.
Қазақстан-Ресей одақтастық қатынасын одан әрі жан-жақты нығайту келісілді.
