Тоқаев Тяньаньмэнь алаңында өткен әскери парадты тамашалады

Мемлекет басшысы Қасым-Жомарт Тоқаев Екінші дүниежүзілік соғыста және жапон басқыншылығына қарсы күресте жеткен Жеңістің 80 жылдығына орай ұйымдастырылған әскери парадты тамашалау үшін Тяньаньмэнь алаңына келді, - деп хабарлайды "Opennews.kz" ақпарат агенттігі.

Қытайдың Халық-азаттық армиясының 45 легі, яғни 10 мыңнан астам әскери қызметкері әскери парадқа қатысатыны туралы хабрланды. Сондай-ақ шеру барысында алғаш рет бірқатар жаңа қару-жарақ жүйелері көрсетілді.

Бейжіңдегі еске алу іс-шараларына 26 шет мемлекет басшысы қатысты. Тоқаев басқа да президенттер сияқты шараның құрметті қонағы болды.