Шиелі ауданында «Таза бейсенбі» акциясы өтті

Мемлекет басшысының «Таза Қазақстан» жалпыұлттық бастамасы аясында партия қолға алған «Таза бейсенбі» экологиялық акциясы бүгін аманаттықтармен Шиелі ауданында ұйымдастырылды, - деп хабарлайды "Opennews.kz" ақпарат агенттігі. 

Акция шеңберінде Шиелі ауданы, Бәйгеқұм ауылдық округіне қарасты, Ханқожа көлінің жағалауына тазалық жұмыстарын жүргізді.

Тазалық акциясына аудандық партия филиалының консультанттары, бастауыш партия ұйымдарының мүшелері, Жастар рухының еріктілері мен белсенді жастар қатысты.

Тазалық - баршаға ортақ іс. Туған өлкеміздің тазалығы өзімізге тығыз байланысты. Осыған орай акция басталған уақыттан бері ауданымызда ауқымды жұмыстар жасалып жатыр. Алайда апта сайын жүргізіліп жатқан жұмыстарға қарамастан, артынша қоқыстар пайда болып жатады. Біз осындай акциялар арқылы тазалық жұмыстарын жүргізіп қана қоймай, тұрғындарды экологиялық мәдениетті қалыптастыруға шақырамыз.

Экологиялық мәдениетті қалыптастыруға бағытталған акцияға 30 - дан астам адам қатысып, нәтижесінде 15 қап көлемінде қоқыс шығарылды.