Түркістанда әйелді мешіттен қуып жіберген

Түркістан облысында мешіт қызметкері әйелді есіктен кіргізбей, тазалықшы киімін киген келіншекке сөгіс айтты,  - деп хабарлайды "Opennews.kz"  ақпарат агенттігі.

Әлеуметтік желіде мешіт қызметкерінің тазалық киімін киген әйелге айғайлап, кейін ғимаратқа кіргізбей, «кет» деп жатқаны түсірілген видео тарап кетті.

Белгілі болғандай, ер адам имам емес, тек мешітте жұмыс істеп, ондағы тазалықты қадағалайды. Оның өзі түсіндіргендей, мұндай әрекетке бір күн бұрын жұмысшылар үнемі дәретханаға барып, артынан қоқыс тастап, ластап кеткені түрткі болған. Сондықтан қызметкер мұндай әрекетке шыдай алмағандығы аталып өткен.