Әкімдік балабақшалардағы тамақтың бағасын негізсіз көтерген

17 ноября 2023, 11:00

1 520

Русский перевод этой статьи пока не опубликован. Ниже — оригинал на казахском языке.

Прокуратура 6,5 мың ата-ананың құқығын қорғады,- деп хабарлайды "Opennews.kz" ақпарат агенттігі.

Прокурорлар биыл Ұлытау облысының әкімдігі тарапынан Жезқазған, Сәтбаев қалалары және Жаңаарқа ауданындағы балабақшаларда ата-ана төлемақысының негізсіз жоғары мөлшерін белгілегенін анықтады, деп хабарлады Halyq Uni тілшісі.

Ата-ана төлемақысының мөлшерін (айына бір балаға тамақтану үшін) белгілеу кезінде әкімдікпен азық-түліктердің бөлшек бағалары негізге алынған. Алайда олардың көтерме бағалары – орта есеппен алғанда, 10-20% арзан. Қадағалау актісі бойынша 6,5 мың ата-ананың бұзылған құқығы қалпына келтіріліп, ата-ана төлемақысының мөлшері 1 мың теңгеге төмендетілді, – делінген прокуратура хабарламасында.

Әкімдіктің қаулысына өзгеріс енгізіліп, кінәлі лауазымды тұлғалар жауапқа тартылды.