Тойына ақша тапқысы келген ер адам мал ұрлығымен ұсталды

Ақмолалық полицейлер мал ұрыларын ұстады, - деп хабарлайды "Opennews.kz" ақпарат агенттігі. 

Целиноград ауданының екі тұрғыны елордалық аумақта мал ұрлығымен айналысқан. Тергеу барысында ұсталғандардың екі фактіге қатысы бар екендігі дәлелденді. Аудандық полицияға ұсақ малды ұрлау туралы өтініштер 6 желтоқсанда келіп түсті. Бір жағдайда, жергілікті шаруа қожалықтарының бірінің иесі, Талапкер ауылының тұрғыны, белгісіз адамдар 20 бас ұсақ мал ұрлап, 1 млн теңге шығын келтіргенін хабарлады. Екінші жәбірленуші, сол елді мекеннің тұрғыны, шабуылдаушылар жеке ауладан 5 бас ұсақ мал ұрлағанын айтты. Иесі залалды 300 мың теңгеге бағалады.

Екі факті бойынша полицейлер ҚР ҚК-нің 188-1-бабы (Мал ұрлығы) бойынша сотқа дейінгі тергеу бастады. “Мал ұрлығы” жедел алдын алу іс-шарасы аясында Целиноград ауданы мен астананың аумағында криминалдық полиция қызметкерлері жедел-іздестіру іс-шараларының кешенін өткізді, нәтижесінде Қажымұқан ауылының екі тумасы анықталып, ұсталды. Тергеу іс-шаралары барысында ұсталғандардың елді мекенге, жалға алынған автокөлікпен келгені, малды ұрлап әкеткені, содан кейін сойғаны анықталды.

Заттай дәлелдемелер ретінде ұрланған малдың терілері, сондай-ақ ұсталғандардың сатуға үлгермеген үш тұтас еті тәркіленді. Осындай қылмыстық жолмен ұсталғандардың бірі, алдағы үйлену тойына ақша тапқысы келгені анықталды.