Батыс Қазақстан облысында тұрғындарға көмектесуге барған құтқарушыны пышақтаған

1 апреля 2024, 09:29

1 660

Русский перевод этой статьи пока не опубликован. Ниже — оригинал на казахском языке.

Батыс Қазақстан облысы Казталов ауданында су тасқынынан зардап шеккен тұрғындарға көмектесуге барған құтқарушы пышақ жарақатын алды, - деп хабарлайды "Opennews.kz" ақпарат агенттігі.

Оқиға 31 наурыз күні кешке Казталов ауданы Жалпақтал ауылының маңында болған. Ішімдік ішкен ер адам құтқарушыға шабуылдаған. Кеуде тұсынан жарақат алған құтқарушы ауруханаға жеткізілді.

«Жедел деректер бойынша, жергілікті тұрғындарға көмек көрсету бойынша су тасқынына қарсы іс-шараларды өткізу барысында Қараөзен өзенінің жағасында 1998 жылы туған азаматтық қорғау сержанты жараланды. Ол аудандық ауруханаға кеуде аймағында екі пышақ жарақатымен жеткізілді. Науқас дәрігерлердің бақылауында. Полицияның мәліметінше, шабуылдаушы ішімдік ішкен күйінде болған», - деп хабарлады ТЖМ.

Оқиғаға байланысты сотқа дейінгі тергеу басталды.