Прокурор Қайрат Нұртасты 15 тәулікке қамауға алуды сұрады

Бүгін Астананың әкімшілік құқық бұзушылықтар жөніндегі мамандандырылған ауданаралық сотында Қайрат Нұртасқа қатысты әкімшілік іс қаралып жатыр, - деп хабарлайды "Opennews.kz" ақпарат агенттігі.

Жәбірленуші Бекқайыров Қайрат Нұртасты кешіргенін, оған ешқандай шағымы жоқ екенін растады, дегенмен, оның айтуынша, әртіс жұдырығын бірінші ала жүгірген. 

Кейін сотталушыға соңғы сөз берілді, Қайрат Нұртас кінәсін мойындады, бірақ концерттер мен тойлардың көптігінен, қамауға алынбауын сұрады.

Қайрат Нұртастың қорғаушысы жәбірленушінің шағымы жоқтығын ескере отырып, жазаны 173-баб бойынша қысқартуды сұрады. Ал прокурор жаза ретінде әртісті Әкімшілік кодекстің 434-бабы, 2 бөліміне сәйкес, 15 тәулікке қамауға алуды жөн көрді.

Сот төрағасы шешім шығару үшін арнайы бөлмеге кетті. Соттың қаулысы сағат 14:30-жа жарияланады.