Түркістан облысында инфекциялық ауру таралып жатыр

7 ноября 2024, 15:41

1 611

Русский перевод этой статьи пока не опубликован. Ниже — оригинал на казахском языке.

Түркістан облысының Көксарай ауылында лейшманиоз ауруы таралуда, - деп хабарлайды "Opennews.kz" ақпарат агенттігі.

Көксарай ауылының тұрғындары лейшманиоздың өршуінен дабыл қағуда, жұқпалы аурудың тарауы ауыл маңында орналасқан уран өндіретін кәсіпорнымен байланысты.

Экологтар 600 шаршы метр аумақта күкірт қышқылының төгілу фактісін растады. Мамандар мұны экологиялық заңнаманы өрескел бұзу деп санайды.

«Департамент экологиялық зиянды жою бағдарламасын әзірлеуде. Сондай-ақ, барлық жерлерді толығымен тазалап, қалпына келтіруді талап етті», — деді Түркістан облысы бойынша бас экологиялық инспектор Нұржан Нұрболатұлы.

Ауру масалардың шағуына ұқсайтын, кішкентай және қызыл жаралардан басталады. Кейіннен ірің пайда болып, ауырады.

Лейшманиоз қауіпті ауру болып саналады. Бұл лейшмания тектес паразиттерден туындайтын инфекциялық ауру, олар жұқтырған масалардың шағуы арқылы беріледі. Лейшманиоз теріні, шырышты қабықтарды немесе ішкі ағзаларды зақымдауы мүмкін (висцералды лейшманиоз). Соңғы түрі аса қауіпті және дер кезінде емделмесе, өлімге әкелуі мүмкін.