Мүмкіндігі шектеулі ер адам үйінде өртеніп кетті

3 декабря 2024, 11:15

1 391

Русский перевод этой статьи пока не опубликован. Ниже — оригинал на казахском языке.

Солтүстік Қазақстан облысы Мағжан Жұмабаев ауданының орталығы Булаев қаласында зейнеткер өз үйінде тірідей жанып кетті, - деп хабарлайды "Opennews.kz" ақпарат агенттігі.

Өрт басталғанда жалғыз тұратын 69 жастағы ер адам ұйықтап жатқан. Зейнеткердің мүмкіндігі шектеулі екені анықталды, ол өздігінен жүріп-тұра алмаған екен. Өрт сөндірушілер жетемін дегенше, үйдің төбесі опырылып ортасына құлаған.

Құтқарушылар марқұмның денесін қиранды арасынан шығарып алды. Сараптама тағайындалып, өрттің неден шықққаны анықталып жатыр.

«Оқиға орнына сағат үштен 42 минут кеткенде жетті. Өртенген аумақ 55 шаршы метр. Оттың неден тұтанғаны анықталып жатыр. Бірқатар сараптама тағайындалды. Ал марқұм — бірінші топтағы мүгедек», – дейді СҚО ТЖД басқармасы бастығының орынбасары Аян Құсайынов.