Қаз
Рус
Қыз алып қашсаңыз – заңмен қатаң жазалануыңыз мүмкін
1 338
Русский перевод этой статьи пока не опубликован. Ниже — оригинал на казахском языке.
Депутат Мұрат Әбенов елімізде қалыңдық ұрлау үшін жазаны қатаңдатуды ұсынды, - деп хабарлайды "Opennews.kz" ақпарат агенттігі.
Оның айтуынша, қыз ұрлау оқиғаларының көбі қолданыстағы қылмыстық кодекстегі олқылықтардың кесірінен ашылмай қалуда. Әбенов бұл мәселені «Мәдениет туралы» заңды талқылау кезінде көтерді. Ол кейбір музыканттардың адам ұрлау тақырыбын әндері мен бейнеклиптерінде насихаттап жүргендігін атап өтті.
Мұрат Әбеновтың айтуынша, мұндай жағдайлар әлеуметтік желілерде жиі талқыланады және көбнесе әзіл ретінде қабылдананып, мәселенің негізіне көпшілік үңілмей көз жұмумен өтіп кететіндігіне наразы.
«Қыздар маған TikTok-та кең таралып кеткен бір видеоны көрсетті, онда алып қашып кеткен қызды өз еркімен келді деп жазуға мәжбүрлеген. Бұл – адам құқығын тікелей бұзу ғой. Бірақ, видео астында желі қолданушылары оны тек әзіл ретінде қабылдап жатыр. Егер мұндай жағдайларды тек жеңіл-желпі қабылдай берсек, әбден қалыпты жағдайға айналып кетеді», – деді депутат.
