Батып бара жатқан қарындасына көмекке келген ер адам онымен бірге суға батып кетті

Русский перевод этой статьи пока не опубликован. Ниже — оригинал на казахском языке.

Батыс Қазақстан облысында 17 жастағы бойжеткен мен оны құтқармақ болған 48 жастағы ағасы суға кетіп қайтыс болды. Бұл туралы Батыс Қазақстан облыстық төтенше жағдайлар департаментінің баспасөз қызметі хабарлады.
ТЖД мәліметінше, оқиға 12 тамыз күні Бөрлі ауданында орналасқан Березовка өзенінде болған.

Қазіргі уақытта 17 жастағы қыз баланың рұқсат етілмеген аймақта шомылғаны анықталып отыр.

Жедел-құтқару жасағының қызметкерлері 17 жастағы қыз бен 48 жастағы ер адамның денесін судан алып шыққан. Ер адам шомылуға жабдықталмаған жерде суға түскен қарындасын құтқарамын деп батып кеткен.