Қаз
Рус
Мәслихат депутаты күйеуі жоқ әйелді ұрып-соққан
1 427
Русский перевод этой статьи пока не опубликован. Ниже — оригинал на казахском языке.
Әлеуметтік желіде Ақтөбе облысы Байғанин ауданының мәслихат депутаты Болат Аяпов ауыл тұрғынын ұрды деген ақпарат тарады, - деп хабарлайды "Opennews.kz" ақпарат агенттігі.
Күнсұлу Намазбаева депутаттан қорлық көргенін айтып, президентке үндеу жолдаған. Болат Аяпов аз қамтылған, күйеуі жоқ әйелді балағаттап, оған қол көтерген екен.
«Президент Қасым-Жомарт Тоқаев, бас прокурор Берік Асылов, ІІМ Ержан Сәденов мырза, мен Ақтөбе облысы, Байғанин ауданы, Жарлы ауылының тұрғыны Намазбаева Күнсұлу, сіздерден өміріме төніп тұрған қауіпке байланысты көмек сұраймын. Жолдасым Самат 2003 жылы қайтыс болды. Аудандық депутат қызметін асыра пайдаланып, мені неше түрлі лас сөздермен балағаттап, ұрып-соғып, «елден кетесің» деп қоқан-лоққы көрсетті. Сіздердің бұл мәселеге араласып, Аяпов Болаттан қорғауларыңызды сұраймын», - деді Күнсұлу Намазбаева.
Зәбір көрген әйел депутаттың жазадан жалтарып кетуіненен қорқады.
