Қаз
Рус
Алаңда ойнап жүрген 9 жастағы баланы ер адам аямай ұрып кеткен
1 467
Русский перевод этой статьи пока не опубликован. Ниже — оригинал на казахском языке.
Әлеуметтік желілерде Атыраудағы балалар ойын алаңында ер адамның 9 жастағы балаға еш себепсіз шабуыл жасап, соққыға жыққаны туралы ақпарат тарады, - деп хабарлайды "Opennews.kz" ақпарат агенттігі.
Оқыс жағдай Атырау қаласындағы аулалардың бірінде тіркелген. Онда 9 жастағы жасөспірімге 21 жастағы тұрғын ұрып-соғу арқылы зорлық-зомбылық жасаған. Бұл сәт видеоға жазылған, себебі ойын алаңы толық камераның бақылауында.
Қазір полиция оқиғаға байланысты қылмыстық іс қозғаған.
– Жәбірленуші жеңіл дене жарақатын алған. Қазіргі уақытта оған психологиялық көмек көрсетіліп жатыр. Өзге ақпарат тергеу мүддесіне байланысты жариялауға жатпайды, – делінген Полиция департаментінің ресми хабарламасында.
Полиция бірден жақын маңдағы бақылау камераларын тексеріп, куәгерлерден жауап алуға кіріскен. Соққыға жығылған балаға психолог көмегі көрсетіліп жатыр.
