Әкесі мен баласы есірткі зертханасын ұйымдастырғаны үшін қамауға алынды

Ақмола облысында әкесі мен баласы есірткі зертханасын ұйымдастырған,- деп хабарлайды Opennews.kz ақпарат агенттігі Mail.kz сайтына сілтеме жасап.

Есірткі қылмысына қарсы іс-қимыл комитетінің қызметкерлері Ақмола облысында ірі есірткі зертхасын жойған. 54 жастағы ер адам мен оның 26 жастағы ұлы ұсталған. Әкесі ұлын заңсыз бизнеске тартып, синтетикалық есірткі өндіруді үйреткен.

Арнайы операция барысында: 200 келі мефедрон; 2 тоннадан астам прекурсор; химиялық реактор; түрлі жабдықтар тәркіленген. Тәркіленген есірткі 600 жүз мың бір реттік дозаға тең. Қара нарықтағы құны 5 млрд теңге немесе 10 млн АҚШ долларынан астам.