Қаз
Рус
15 метр биіктіктен құлаған зауыт қызметкері ауыр хәлде жансақтау бөлімінде жатыр
Русский перевод этой статьи пока не опубликован. Ниже — оригинал на казахском языке.
Павлодарда зауыт аумағында биіктен құлаған әйел ауыр жарақат алды, зардап шегуші жансақтау бөлімінде жатыр,- деп хабарлайды Opennews.kz ақпарат агенттігі BAQ.kz сайтына сілтеме жасап.
Өнеркәсіп кәсіпорнының аумағында биіктен құлап, ауыр жарақат алған әйел қазір жансақтау бөлімінде ем қабылдауда. Оның жағдайы тұрақты ауыр жағдайда.
Оқиға 30 - шы наурыз күні «KSP Steel» ЖШС аумағында тіркелген.
Зардап шегуші жансақтау бөліміне жатқызылды, оған хирургиялық ота жасалды. Жағдайы тұрақты ауыр, есін біледі, - деп мәлімдеді денсаулық сақтау басқармасынан.
Павлодар облыстық денсаулық сақтау басқармасы хабарлағандай, 1979 жылы туған зардап шегуші көптеген жарақатпен №1 қалалық ауруханаға шұғыл жеткізілген.
Қазіргі уақытта оқиғаның толық мән-жайы анықталып жатыр. Медициналық қызметкерлер зардап шегушінің жағдайын қадағалап, қажетті ем-дом шараларын жүргізіп отыр.
Қазіргі уақытта тергеу жұмыстары ұйымдастырылуда. Комиссия құрамына жұмыс беруші мен жұмысшылардың өкілдері және мемлекеттік еңбек инспекторы кірді. Тергеу 10 жұмыс күні ішінде жүргізіледі. Оқиғаның мән-жайы мен себептері тергеу барысында анықталатын болады, - деп хабарлады департамент өкілдері.
