Қаз
Рус
Төрт баланың анасын өлтірген күдікті өзіне қол жұмсамақ болды
Русский перевод этой статьи пока не опубликован. Ниже — оригинал на казахском языке.
Ұлытау облысының Жәйрем кентінде жантүршігерлік қылмыс болды. 33 жастағы ер адам бірге тұратын әйелді аяусыз өлтіріп, артынан өз-өзіне қол салуға әрекеттенген,- деп хабарлайды Opennews.kz ақпарат агенттігі BAQ.KZ. сайтына сілтеме жасап.
Ер адам әйелге 20 рет пышақ сұққан. Алған ауыр жарақатынан төрт баланың анасы оқиға орнында көз жұмған. Қылмыс жасағаннан кейін күдікті өзін жарақаттаған. Қазіргі уақытта ол ауруханада полицияның тәулік бойы күзетінде жатыр.
Ұлытау облысының Полиция департаменті Жәйрем кентінде әйел адамды өлтіру дерегі бойынша сотқа дейінгі тергеу амалдары жүргізіліп жатқанын хабарлаған.
Күдікті - әйелмен бірге тұрған 33 жастағы жергілікті тұрғын. Қылмыс жасағаннан кейін ол өзіне-өзі қол жұмсауға әрекеттенген. Қазіргі уақытта күдікті медициналық мекемеде полицияның тәулік бойы күзетінде жатыр. Сот шешімімен оған қатысты «күзетпен ұстау» түріндегі бұлтартпау шарасы санкцияланды. Емдеу курсы аяқталғаннан кейін күдікті дереу тергеу изоляторына қамалады. Тергеу барысы Полиция департаменті басшылығының ерекше бақылауында, - деп хабарлады Ұлытау облысының ПД баспасөз қызметі.
