Жаңа туған сәби қоқыс контейнерінен табылды

Жамбыл облысының Қордай ауданында қоқыс контейнерінен жаңа туған сәби табылды,- деп хабарлайды Opennews.kz ақпарат агенттігі.

Жамбыл облысының Қордай ауданында, Гвардейск гарнизоны аумағындағы қоқыс контейнерлерінің бірінен жаңа туған сәби табылды. Ақпаратты аудандық полиция бөлімінің өкілдері растады.

Оқиға орнында жедел-тергеу тобы жұмыс істеп жатыр.

Алдын ала мәлімет бойынша, табылған сәби қыз бала. Дәрігерлердің айтуынша, оның денсаулығына қауіп төніп тұрған жоқ.