Ер адам түрмеден шатыр арқылы қашып шыққан

Бұл жайт Ақтөбе облысы Қарғалы ауданында болған. 33 жастағы ер адам мас күйде көлік жүргізгені үшін уақытша ұстау изоляторына қамалған. Алайда ол кешкі серуен кезінде қашып кеткен, - деп хабарлайды Opennews.kz ақпарат агенттігі.

Ол ішкі ауладағы есіктің құлпын ашып, басқа алаңға өткен. Сол жерден қабырғадағы ұлу тасты итеріп, арматураны сындырып, шатырға шыққан. Кейін тікенекті сымнан асып, сыртқа қашқан.

Алайда ол көп ұзамай ұсталды. Осылайша сот оны қашқаны үшін 1,5 жылға соттады. Бұған дейін өтелмеген жазасы ескеріліп, түпкілікті жаза 2 жыл болып белгіленген. Ол енді жазасын қауіпсіздік деңгейі жоғары колонияда өтейді.