Жаңа түскен жас келінді терезеден кіргізгендер желіде қызу талқыланып жатыр

Русский перевод этой статьи пока не опубликован. Ниже — оригинал на казахском языке.

Желіде жаңа түскен келінді есіктен емес, терезеден кіргізгендердің видеосы кеңінен таралуда,- деп хабарлайды Opennews.kz ақпарат агенттігі Экспресс К сайтына сілтеме жасап.

Видеодан қалыңдық көйлегін киген жас келін терезеден үйге кірмек болып жатқанын көруге болады. Ол үшін тіпті терезеге арнайы саты қойып, оның үстін ақ жолақпен жауып қойған. Ұзын көйлекпен әзер дегенде сатыдан терезеге беттеген келінге жиналған қауым "Оң аяғыңмен кір" деп айқайлауда. Жаңа үйдің босағасынан емес, терезеден кірмек болған келін терезе жақтауынан әрең өткен.

View this post on Instagram

A post shared by Экспресс К (@exk.kz)

Желідегілер боса бұл жайтқа түрлі пікірлерін жайдыруда. Бірі бұл қазақтың салтына тән емес десе, екіншілері үйге бір күнде екі келін түскенде келіннің бірін терезеден кіргізу қажет деп есептейді.

"Сөз жоқ. Босағаны оң аяқпен атта деуші еді, енді терезеден оң аяқпен атта дегені дұрыс емес", "Ол қалай оң аяғымен аттайды, өзі әзер шығып бара жатса", "Екі келін түссе, есіктен құшақтасып кірсін екеуі, ал жігіттері терезеден. Оларда костюм-шалбар, ыңғайлы ғой", - деп жазды желі қолданушылары.