Қаз
Рус
Шығыс Қазақстан облысында жүк пойызы рельстен шығып кетті
376
Русский перевод этой статьи пока не опубликован. Ниже — оригинал на казахском языке.
Шығыс Қазақстан облысын жүк пойызының вагондары рельстен шығып кетті. Оқиға Өскемен-Күмістау темір жол аймағында болған, - деп хаюарлайды Opennews.kz ақпарат агенттігі Stan.kz ақпарат агенттігіне сілтеме жасап.
Әлеуметтік желіде көпір маңында рельстен шығып кеткен вагондардың видеосы тарады. Куәгерлер 10 вагонның аударылып, тағы 6 вагонның Ертіс өзеніне құлағанын айтқан.
Кейін "Қазақстан Темір жолы" ресми мәлімдеме жасап, оқиғаның 3 сәуірде 12:04-те болғанын айтты.
Жүк пойызының барлығы 18 вагоны рельстен шыққан. Пойыз 37 км/сағ жылдамдықпен қозғалған. Кен тиелген екі вагон Ресей меншігінде, өзге он алты вагон "ҚазцинкТемірТранс" ЖШС-ға тиесілі.
Зардап шеккендер мен құрбандар жоқ. Қазір қалпына келтіру жұмыстары жүріп жатыр. Оқиғаның мән-жайын анықтау үшін арнайы комиссия құрылған.
