Қаз
Рус
16 желтоқсан емес. Тәуелсіздік мерекесін тойлау күні өзгерді
1 319
Русский перевод этой статьи пока не опубликован. Ниже — оригинал на казахском языке.
Қазақстан енді егемендік мерекесін 16 желтоқсанда атап өтпейді. Бұл күн - құрбан болғандарды еске алу, тағзым ету күні болып қалады.Енді Тәуелсіздік күні ретінде Қазақстанның егемендігі туралы декларация қабылданған 25 қазанда тойланады, деп хабарлайды Opennews.kz ақпарат агенттігі Экспресс К сайтына сілтеме жасап.
Бұл туралы Ұлытаудағы Ұлттық құрылтайда мемлекет басшысы Қасым-Жомарт Тоқаев айтты.
Ұлттық мерекелер мен атаулы күндер тізбесіне бірқатар өзгеріс енгізген жөн. Республика күніне ұлттық мереке мәртебесін қайтаруды ұсынамын. Сондықтан 25 қазанды жыл сайын Егемендік күнін еліміздің басты мерекесі ретінде атап өтуіміз керек,— деді Қасым-Жомарт Тоқаев.
Ол 1990 жылы 25 қазанда Қазақстанның егемендігі туралы декларация қабылданғанын айтты. Бұл еліміздің тәуелсіздік жолындағы тұңғыш қадамы болатын. Осы құжатты қабылдаған кезде Тұңғыш Президент Нұрсұлтан Назарбаев аса маңызды, тіпті шешуші рөл атқарды деді Тоқаев.
Республика күні елдің мемлекет құру жолындағы тарихи қадамының символы болуы керек. Әрине, Тәуелсіздік күнінің бастапқы мәні сақталады. Бұл күн мемлекеттік мереке болып қала береді,— деді Президент.
Ал 16 желтоқсан тәуелсіздік алуға зор үлес қосқан ұлттық батырларымызға тағзым күні ретінде атап өтілуі керек деді ол.
