Қаз
Рус
Бекман Сойлыбаев Түркияда өзбектен шыққан "Тайсонмен" жұдырықтасады
Русский перевод этой статьи пока не опубликован. Ниже — оригинал на казахском языке.
Кәсіпқой боксшы Бекман Сойлыбаев (17-1, 8 КО) Трабзонда (Түркия) өзбек боксшысы Мырзамұхаммед Хикматуллаевпен (9-5, 6 КО) қолғап түйістіреді. Бокс кеші 2 желтоқсан күні өтеді, - деп хабарлайды "Opennews.kz" ақпарат агенттігі.
Қазақстандық боксшы екінші жартылай жеңіл салмақта WBA Inter-Continental чемпиондық атағына ие. Жекпе-жек те осы салмақ дәрежесінде өтеді және 10 раундқа жоспарланған. Мырзамұхаммедті Өзбекстанның спортсүйер қауымы "кіші Тайсон" деп те атайды.
33 жастағы қазақстандық боксшы биыл үшінші жекпе-жегіне шығады. Тамыз айында Бекман Ташкентте украиналық Александр Егоровты үшінші раундта техникалық нокаутпен жеңіп шыққан болатын. Ал наурыз айында филиппиндік Дженел Лаусаны уақытынан бұрын ұтқан еді.
