Бахтиёр Зайнутдинов ресми түрде "Динамо" футболшысы атанды

28 июля 2025, 15:57

2 318

Русский перевод этой статьи пока не опубликован. Ниже — оригинал на казахском языке.

Transfermarkt мәліметінше трансфер құны 2,8 миллион еуроны құрайды.

Қазақстан ұлттық құрамасының жартылай қорғаушысы Бахтиер Зайнутдинов ресми түрде Мәскеудің «Динамосына» ауысты, - деп хабарлайды "Opennews.kz" ақпарат агенттігі.

«А әрпінен басталатын қала – Жамбыл яғни Тараз. Өйткені ол жақта жылы, ол жақта «Динамоның» жаңа ойыншыларының бірінің үйі бар. Бұл кім? Жақында біле аласыздар!» -делінген жазбада.

Бұл жолғы креативті таныстырылым Ресейдің "Динамо" клубына ауысқан Бақтиер Зайнутдиновке қатысты жасалған.

27 жастағы Зайнутдинов Ресей футболына жақсы таныс - ол бұған дейін «Ростов» сапында 35 матч, ЦСКА құрамында 83 матч өткізген. Ал «Бешикташта» өткен маусымда жарақатына байланысты небәрі 9 ойынға қатысқан.

Айта кетейік, «Динамоның» бас бапкері Валерий Карпин Зайнутдиновпен «Ростовта» жұмыс істеген және оны команда сапында қайта көргісі келетінін ашық айтып еді.