Қызылорда облысынан Сенат депутаттығына 3 үміткер сайлауға түспек

Қызылорда облысынан ҚР Парламенті Сенатының депутаттығына 3 үміткер тіркелген, деп хабарлайды Opennews.kz ақпарат агенттігі.



Олардың арасында мемлекеттік кәсіпорын басшысы-мәслихат депутаты, саяси және мемлекеттік қызметші бар. Үміткерлердің орташа жасы - 54.

Облыстан «Қазсушаруашылығы» республикалық мемлекеттік мекеменің Қызылорда облысы бойынша филиалының директоры Жорабек Нұрымбетов, облыстық мәдениет және спорт басқармасының басшысы Руслан Рүстемов, Қызылорда қаласының әкімі Асылбек Шәменов ҚР Парламенті Сенатының депутаттығына үміткер ретінде тіркелген. 14 қаңтарда өтетін сайлау күнінде облыстағы 147 мәслихат депутаты дауыс беру арқылы таңдау жасайды. Облыстық сайлау комиссиясына өтініштер мен шағымдар келіп түскен жоқ, - деді облыстық сайлау комиссиясының төрағасы Ғалым Баймырзаев.