Қаз
Рус
Студентті диплом қорғауға жібермей, әскери комиссариатқа алып кеткен
1 913
Алматы облысы Іле ауданының Өтеген-Батыр ауылында тұратын азаматтар жастарды, әсіресе студенттерді, әскери комиссариатқа мәжбүрлі түрде алып кетіп жатқанын айтып дабыл қақты,- деп хабарлайды "Opennews.kz" ақпарат агенттігі.
Тұрғындардың айтуынша, жігіттердің біріне тіпті диплом қорғауға да рұқсат етпеген. Зардап шеккендердің бірінің анасының айтуынша, 18 маусым күні таңғы сағат 9:00 шамасында оның ұлы дипломдық жұмысты қорғауға Прогресс колледжіне бара жатқан. Бірақ оны әскерилер оқу орнының кіре берісінде ұстаған.
"Олар оны колледжге де жібермеді. Жақын жерде жүрген 70 жастағы анамды иығымен итеріп жіберді. Ол қатты күйзеліске түсті! Баламды военкоматқа қылмыскердей апарып, дөрекі сөйлеп, қорқытқан. Дипломын қорғауға мүмкіндік бермей, бес сағатқа жуық ұстады", – деді әйел.
