Елімізде көші-қон ережелерін бұзу деректері анықталды

Талдықорған қаласында "Мигрант" республикалық жедел-профилактикалық іс-шарасы аясында полиция қызметкерлері көші-қон заңнамасы бойынша кешенді тексеру жұмыстарын жүргізді, - деп хабарлайды Opennews.kz ақпарат агенттігі kazlenta.kz сайтына сілтеме жасап.

Іс-шара барысында 27 шетелдік азамат анықталған. Тексеру нәтижесінде қабылдаушы тараптан заң бұзушылықтар тіркелді - шетелдік жұмыс күшін және еңбек иммигранттарын заңсыз тарту фактілері анықталды. Кінәлі тұлғалар ҚР заңнамасына сәйкес жауапкершілікке тартылды. Құқық қорғау органдары көші-қонды бақылау мәселелері қоғамдық қауіпсіздік пен тұрақтылықты қамтамасыз етудегі басым бағыттардың бірі болып қала беретінін атап өтті.

Полиция қызметкерлері профилактикалық іс-шаралар өткізіп, заңнама талаптарын түсіндіруде және құқық бұзушылықтардың алдын алу бойынша шаралар қабылдауда.