Қаз
Рус
Нәрестені тастап кету оқиғаларын хабарламаған медицина ұйымдарына жаза күшеймек
195
Жаңа туған баланы тастап кеткенін хабарламаған медициналық ұйымдарға жаза күшеймек, - деп хабарлайды "Opennews.kz" ақпарат агенттігі.
Құжаттағы өзгеріске сәйкес ҚР Әкімшілік құқық бұзушылық кодексіне жаңа 135-1-бабы енгізілмек. Атап айтқанда,
"Мемлекеттік медициналық ұйымдар және жетім балалар мен ата-анасының қамқорлығынсыз қалған балаларға арналған ұйымдардың лауазымды адамдарының жаңа туған баланы тастап кету, жетім балалар мен ата анасының қамқорлығынсыз қалған балалардың келіп түсуі және жеткізілуі фактісін 3 күнде хабарламауы ескерту жасауға әкеп соғады. Көзделген әкімшілік жаза қолданылғаннан кейін бір жыл ішінде қайталап жасалған дәл сол әрекет үшін 10 айлық есептік көрсеткіш мөлшерінде айыппұл салуға әкеп соғады", – делінген жаңа редакцияда.
Жаңа өзгеріс күшіне енсе, баланы тастап кету фактілерін хабарлау, ішкі істер органдарына хат жолдау уәкілетті органның басшысы мен оның орынбасарларына жүктеледі.
Құжат 3 наурызға дейін көпшілік талқылауында болады.
